当前位置:  首页港姐2020香港小姐详情

TVB宣布「疫境复办」港姐,转战网上真人骚

发布来源:网友HK    发布时间:2020-07-26 00:00:00

TVB较早前表示因为受到疫情影响,决定停办年《2020香港小姐竞选》,讲完冇几耐TVB今日就举行记者会宣布「疫境复办」,转战网上真人骚喺BigBigChannel举行,让全世界一齐参与。

TVB高层余咏珊受访时强调,呢次港姐竞选绝对唔係「骑呢show」,名次係受官方认可,参选条件同以前一样,具体详情等阵公布。

余咏珊仲透露会有好多新元素,包括真人骚部分,网友可根据佳丽嘅生活、泳装相、化妆同挑战等项目投票,决定入围同畀淘汰嘅佳丽。

余咏珊表示下个月尾开始进行招募,身处世界各地嘅香港女仔都可以报名,目标人数为50至60人。

受疫情影响,余咏珊表示佳丽嘅早期训练可以各自喺屋企进行,以避免人群聚集,TVB会安排工作人员到各佳丽屋企安装统一求规格嘅拍摄器材,防止有用滤镜或者P图造假。

余咏珊仲话选美时间大概2到3个月,仲未决定会唔会同时喺翡翠台播放,会唔会有总决赛,亦要视乎疫情发展而再做打算。

相关资讯

相关推荐

明星写真推荐

查看更多